Bharat Rice: केंद्र सरकारने नुकतीच भारत राईसची घोषणा केली आहे. केंद्रीय मंत्री पियुष गोयल आज दिल्लीतील कर्तव्यपथावर या तांदळाचे लोकार्पण करणार आहेत. त्यानंतर आपण हा तांदूळ खरेदी करू शकतो. किंमत कमी असली तरी हे उच्च प्रतीचे तांदूळ आहे. आता लोकांच्या ताटात स्वस्त तांदूळ येणार. त्यामुळे सर्वसामान्यांना मोठा दिलासा मिळणार आहे. केंद्र सरकारने तांदळाच्या किंमती कमी करण्यासाठी पावले उचलली आहेत.
सरकार मंगळवारी (6 फेब्रुवारी) दुपारी 4 वाजता भारत राइस लाँच करणार आहे. हा तांदूळ 29 रुपये किलो दराने विकला जाणार आहे. सरकार मंगळवारी दुपारी 4 वाजल्यापासून भारत ब्रँड अंतर्गत भारत तांदूळ विकण्यास सुरुवात करणार आहे. भारत तांदूळ NAFED, NCCF, केंद्रीय भंडारसह सर्व मोठ्या साखळी रिटेलमध्ये उपलब्ध असेल. हा तांदूळ 29 रुपये किलो दराने विकला जाणार आहे. तांदूळ 5 आणि 10 किलोच्या पॅकमध्ये उपलब्ध असेल.
देशातील वाढत्या महागाईवर नियंत्रण ठेवण्यासाठी सरकारने सर्वप्रथम भारत ब्रँड अंतर्गत स्वस्त पीठ, डाळी, स्वस्त कांदा आणि टोमॅटोची विक्री केली. केंद्र सरकारने 6 नोव्हेंबर 2023 रोजी भारत पिठ लाँच केले, जिथे देशात पिठाची सरासरी किंमत 35 रुपये प्रति किलो आहे, तर तुम्हाला 27.50 रुपये दराने पीठ मिळत आहे. त्याचबरोबर डाळ 60 रुपये किलो दराने उपलब्ध आहे. भारत तांदूळ नाफेड आणि इतर ऑनलाइन ई-कॉमर्स साइटवरून देखील खरेदी केला जाऊ शकतो.