Animal Aadhar Card: केंद्र सरकारने जनावरांची ओळख निर्माण करण्यासाठी ऑनलाइन नोंदणी सुरू केली आहे. या नोंदणीद्वारे जनावरांचे आजार, त्यावरील उपचार, खरेदी-विक्री, प्रवर्ग, जात इत्यादी माहिती एकत्रित केली जाणार आहे. या माहितीचे संकलन ‘भारत पशू’ अॅपद्वारे जिल्हा परिषद आणि ‘गोकुळ’ दूध संघाच्या पशुसंवर्धन विभागाच्या माध्यमातून केले जाणार आहे. जनावरांना टॅगिंगही केले जाणार आहे. या माहितीमुळे पशुपालकांना त्यांच्या जनावरांच्या आरोग्य आणि कल्याणाबाबत माहिती मिळण्यास मदत होणार आहे.
नोंद केली नसेल तर लाभ मिळणार नाहीत
अॅपद्वारे नोंद केल्याने देशातील जनावरांच्या संख्येची अचूक माहिती मिळू शकते. सरकारला कोणतीही योजना राबवायची झाल्यास, त्या योजनेचा लाभ कोणाला होणार, त्यांचे प्रमाण किती आहे, याची माहिती असणे आवश्यक आहे. ही माहिती गोळा करण्यासाठी सरकारकडून विविध प्रकारची नोंदणी केली जाते. ही माहिती सरकारला योजना राबवण्यासाठी मदत करते. नोंद केली सेल तर लाभ मिळणार नाहीत.
अलर्ट मेसेजमधून पशुपालकांना लसीकरणाची माहिती मिळणार
पशुपालकांना त्यांच्या पशुंच्या लसीकरणाविषयी माहिती मिळवण्यासाठी आता अलर्ट मेसेजचा वापर येणार आहे. या पर्यायामध्ये, पशुपालकांना लसीकरण कॅम्प कुठे सुरू आहे, याची माहिती मिळेल. तसेच, कृत्रिम गर्भधारणा पद्धती आणि चांगल्या जातीच्या जनावरांचे वीर्य सीमेन विक्रीची माहिती देखील पशुपालकांना यातून मिळेल.
इनाफ प्रणालीद्वारे 10 लाख जनावरांची नोंदणी
या प्रणालीद्वारे शेतकऱ्यांना त्यांच्या जनावरांची माहिती ऑनलाइन नोंदणी करणे शक्य आहे. या प्रणालीद्वारे आतापर्यंत 10 लाख जनावरांची नोंदणी झाली आहे. यामध्ये सर्व प्रकारच्या जनावरांची नोंदणी आहे, या प्रणालीमुळे शेतकऱ्यांना त्यांच्या जनावरांची माहिती एकत्रितपणे ठेवणे सोपे झाले आहे. यामुळे जनावरांच्या आरोग्य आणि देखभालीसाठी आवश्यक असलेली माहिती शेतकऱ्यांना सहज उपलब्ध होऊ शकते.
जनावरांचे आधार कार्ड
सरकारने जनावरांचे आधार कार्ड तयार करण्याचा निर्णय घेतला आहे. याद्वारे प्रत्येक जनावराला एक अद्वितीय ओळख क्रमांक देण्यात येईल. या टॅगमध्ये जनावराचे वय, प्रजाती, मालकाचा पत्ता, लसीकरणाची माहिती इत्यादी महत्त्वाची माहिती असेल. या आधार कार्डमुळे जनावरांचा डेटाबेस तयार होईल. या डेटाबेसचा वापर जनावरांच्या देखभाल, आरोग्य, प्रजनन इत्यादीसाठी केला जाईल. यामुळे जनावरांचे मदत होईल.
या अॅपची वैशिष्ट्ये
या अॅपमध्ये पशुपालन क्षेत्रातील विविध विषयांची माहिती दिलेली आहे. यामध्ये पशुंची प्राथमिक चिकित्सा, कृत्रिम गर्भधारण, लसीकरण, उपचार आणि पशूपोषण यांचा समावेश आहे. याशिवाय, शेतकऱ्यांसाठी चालविण्यात येणाऱ्या सरकारी योजनांची माहिती देखील या अॅपमधून मिळणार. हे अॅप पशुपालकांसाठी एक मार्गदर्शक म्हणून काम करेल.
